Minggu Paling Sibuk.....

Minggu tu lah minggu yang amat sibuk bagi aku…... lama dah enda bendar gawa sekumbang ka dah traveling ngagai Bintulu tu…..hehe. Terpaksa nurun tumu pagi lalu pulai laun (0800~1700)….selalu nya nurun laun, alu pulai tumu hehe… Ukai apa nya…laban minggu tu kami empu projek kena audit sidak Audit Section datai ari HQ. Tang nasiblah, semua aku empu report dah di gaga/prepared awal-awal…so nadailah kelam kabut maia sidak ka datai audit nya…. Kira dalam masa sari setengah meh sidak ia audit ba "site" ka dijaga aku tu.....puuuhh...lega asai leboh semua utai line clear magang..
Kena ari tiga kemari Big Boss ari Kuching pan bisi ga datai ke "site".....semadi ia bisi meeting ba site bukai, lalu singgah ba site aku semadi ka mansa meh nya..
Taja pan lelak asai ia keja sari dua tu tadi…..tapi pengelelak nya bebaloi asai aku… GUESS WHAT????...Aku nerima siti berita manah ari aku empu Boss…madah ka aku dah lulus dalam aku empu PROFICIENCY EXAMINATION. Enda nemu bakani ka madah ka pengaga ati aku maia aku ka nerima berita nya………. Lalu mega sidak ari HQ bisi madah, mungkin dalam bulan tu kami bisi BONUS….YESSSSSSS…………(Baru bisi semangat ka gawa enti ningga pasal bonus...hehe)
Dalam pejalai aku pulai ari tempat kerja alu nganjong boss pulai ngagai airport, sempat ga singgah sekejap di tisi jalai meli sayur ka lauk makai malam....aku meli daun entimun,anak jagung ngau kulat sawit. Nyau tetenggok ga asai ka makai lauk panduk stail kampung.....

Dah siap makai malam, laban ka ngetat perut dah kenyang, meda TV sambil ngirup ai kupi panas(wajib tu lepas makai…hehe), tiba-tiba aku nerima mesej aku kaban lama aku suba….ia madah ka indai ia dah nadai cun-cun maia Mother Days kena ari 5 nyin kemari….Sinu amat ga aku aku leboh ningga berita nya…Ukai apa, laban aku dah ngelala bala sidak family ia,….memang ari suba indai ia lumpuh & sakit…aku rasa dah 6 taun bakanya……..Nyau munyi salah jako, bisi ga ati gaga ningga laban enti merati ka pemedis tudah indai ia ngetat ka penyakit ia nya ngelamatu….so diatu ia dah nadai gik merinsa ngetat ka pemedis nya. Tapi enti nitih ka ati, sapa orang enda sinu pama disebut ka hal pasal PEMATI tu…………
Nya meh utai ka nyadi dalam pengidup aku dua tiga ari tu…….Taja pan dalam keadan gaga ati, tapi kitai enda nemu bisi utai bukai ka deka nyadi…. Semua orang deka ningga utai ka manah magang…… kitai tu mensia biasa, enda olih nagang pekara bukai ka deka nuntong kitai……..Semina kitai anang enda ingat ngagai “IA” ka udah meri pengerai, pengelantang ngau pengidup ngagai kitai sampai ka kitai gik enseput datai ka saritu……….