Sinu Asai Ati.......

Enda nemu nama kebuah tak lain asai ati aku demalam…..tiba2 aja berasai sinu…entah lah apahal neh???? Asai ka baka bisi utai ka nyadi dalam pengidup aku….. Laban ka enggai alah gasak perasaan nya, aku telepon ngagai sidak indai aku di kampong lalu deka nanya berita seduai apai. Sekumbang ka dah Xmas’2008, aku lalu bedau bisi ari ka pulai kampong laban ka selalu traveling tu. Puuhh….lega ga asai ati aku udah ka ninga rita sduai ia gerai di menoa.
Dah siap makai malam, kami dua kazen aku duduk meda tv, sambil ngirup kupi alu berandau pasal ka pengawa diri. Baka nya meh pengawa kami duai sekumbang aku ka dah diau di rumah ia ngelama tu. Enti sebedau tu, aku diau di hotel, sigi dedugau kediri dalam bilik sambil meda tv jak aw aaku.aku. Diatu sekurang-kurang ia bisi ga orang ngau berandau. Kira-kira dalam pukul 11 malam ia lalu madah ka diri deka tindok…so aku pan lalu muka laptop lalu ngabas ruai aku tu..
Taja pia, ati aku agik ga berasai enda nyamai. Kira-kira dalam pukul 12.30malam, tiba-tiba handphone aku bebunyi, sekali aku meda nama kazen aku Roy …..aku lalu nyaut….tapi…..tapi aku ningga suara Auntie aku nyabak dalam telepon. Ngau ati ka kesal aku lalu nanya ia pahal….ngelama tu sidak ia enda kala telepon aku malam-malam bakatu..
“Dom….dini nuan diatu?”
“Aku di Bintulu tu Indai (panggilan aku ngagai auntie aku), traveling” piak ko aku nyaut. “Nama hal deh?”, ngau ati ti kesal aku nanya ia baru.
“Kumbai aku bisi di Kuching tu nuan Dom, ……..Aba (Uncle aku) nuan raya amat sakit diatu, benong dipasuk orang ba hospital tingkat 5” ko auntie aku madah ngau sabak-sabak.
“Enti nuan oilh pulai, tau ga ngabas ia, laban aku dah enda nemu daya gik ka madah ka nuan pendiau ia diatu, dah sebualn lebih tu ia ngai makai. Tang enti nuan gawa, lalu enda olih pulai nadai ko enggau meh Dom…dah pengawa nuan bakanya” piak ko Auntie aku.
Enda berasai ai mata aku teritik leboh maia ninga jako auntie aku nya, ukai apa, laban ngelama tu sidak Uncle aku tu lah orang ka melanja aku mula-mula masuk belajar ba Politeknik suba.Laban ka maia nya Uncle tu agik gawa nyadi polis lalu Apai aku ukai nya orang keja perintah, nadai tentu datai pemisik. Munyi ko jako tuai…orang keja rumah panjai ja. Taja pan seduai ia ukai diri menyadi, tang seduai endang rapat ari biak suba.
Gik ingat aku jako Apai aku suba “Dom, enti nuan dah keja ila…anang enda ingat ka pemanah Uncle nuan nya ka udah nulong nuan suba”. Sampai ka diatu, aku dah anggap sidak ia baka Apai ngau Indai aku empu. Nya lah setiap kali enti bisi penusah nuntong sidak ia, aku ngasai ka nya pan penusah bagi aku mega.
Aku besampi ngagai Petara, arap ka ia olih gerai lalu nganti penatai aku pulai meh ngabas ia ujung bulan 5 tu….AMEN……